Na Sawal Ban Kar Mila Karo

Na Sawal Ban Kar Mila Karo
Na Jawab Ban Kar Mila Karo
Meri Zindgi Mere khuwaab Hain
Mujhe khuwab Ban Kar Mila Karo
Mujhe Achay Log Buhut Milay
Mein To Unke Qarz Se Bhar Gaya
Jo Ho Sakey To Kabhi kabhi
To Kharab Ban Kar Mila Karo
Abhi Sochna Hai To Soch Lo
Abhi Chorna Hai To Chor Do
Nae Mosmon Mein Milo Mujhe
To Gulab Ban Kar Mila Karo .........

Deed Heraan Us Gali Mai Hai
Kia Ajab Shaan Us Gali Mai Hai

Baat Mai Jaan Se Guzar Jana
Kitna Asaan Us Gali Mai Hai

Aur Ek Baar Mujh Ko Janey Do
Sara Samaan Us Gali Mai Hai

Kia Khabar In Mehal Nasheenon Ko
Apni Jo Aan Us Gali Mai Hai

Kia Bataoon Hai Kia Woh Jaan Gali
Meri Tou Jaan Us Gali Mai Hai

Main Kahin Bhi Rahon, Kahin Jaon
Dil Ka Reethan Us Gali Mai Hai

Wohi Deewar O’ Dar, Woh Mera Ghar
Wohi Dalaan Us Gali Mai Hai

Main Jo Kafir Hon Us Gali Baher
Mera Emaan Us Gali Mai Hai

Us Gali Par Hon Jaan Se Qurban
Meri Pehchan Us Gali Mai Hai
(Jaun Elia’s “GOYA”)